Sa kasalukuyan (as of May 28, 2012), tumatanggap pa rin ng suhestyon atbp.

A blog that tackles issues on basic education (in the Philippines and the United States) including early childhood education, the teaching profession, math and science education, medium of instruction, poverty, and the role of research and higher education.

MGA TANONG AT SAGOT HINGGIL SA Kto12 PROGRAM NG GOBYERNO NG PILIPINAS.

Kung noon, pagkatapos ng anim na taon sa elementarya at apat na taon sa hayskul (kabuuang 10 taon) ay maaari nang makapagkolehiyo ang mga estudyante.

Sa ilalim ng Kto12, bago makapagkolehiyo, kailangan pa nilang dumaan sa karagdagang 2 taon pagkatapos ng apat na taong hayskul.

Sa bagong sistema, tinatawag na senior high school o junior college ang karagdagang 2 taon.

Ang apat na taon ng hayskul sa lumang sistema ay tinatawag naming junior high school.

Sa kabuuan, Grade 1-12 ang opisyal na tawag sa 12 taon ng Basic Education sa ilalim ng Kto12.

TANONG: AYON SA GOBYERNO, BAKIT DAW KAILANGANG MAGDAGDAG NG 2 TAON SA BASIC EDUCATION SAGOT: Mababa raw ang kalidad ng edukasyon sa Pilipinas at sa pamamagitan daw ng Kto12 ay mapatataas ang kalidad ng edukasyon sa bansa.

Sa buong Southeast Asia raw, ang Pilipinas na lang ang may 10-year Basic Education Cycle (ang ibang bansa ay may 11-12 taon sa Basic Education Cycle).

Sa buong mundo, ang Pilipinas daw ang isa sa 3 bansa na may 10-year Basic Education Cycle.

Hindi rin daw handang magkolehiyo ang maraming graduate ng hayskul sa lumang sistema.

Dahil daw sa lumang 10-year Basic Education Cycle ay hindi kinikilala o nire recognize ng ibang bansa ang mga propesyunal na grumaduate sa Pilipinas.

TANONG: KAILAN MAGSISIMULA ANG KTO12 PROGRAM SAGOT: Nagsimula noong School Year 2011-2012 ang pagkakaroon ng kindergarten sa mga pampublikong paaralan.

Ngayong School Year 2012-2013 ay sisimulan na ang implementasyon ng Kto12 curriculum sa Grade 1 (elementarya) at Grade 7 (unang taon sa junior high school ).

Unti-unting ipapatupad ang Kto12 curriculum hanggang sa makagraduate ang unang batch ng senior high school sa School Year 2017-2018.

Batay sa plano ng gobyerno, sa School Year 2018-2019 pa lang makapagsisimulang kumuha ng bachelors degree sa kolehiyounibersidad ang unang batch ng senior high school na dumaan sa Kto12.

TANONG: MAAYOS BA ANG PREPARASYON NG GOBYERNO BAGO IPATUPAD ANG KTO12 SAGOT: Maraming naging problema nang agad na ipinatupad ang mandatory kindergarten: kulang ng silid-aralan, kulang ng guro at mababa lang din ang sweldo ng mga guro sa kindergarten.

Ngayong School Year 2012-2013, ayon sa ACT Teachers Partylist, kulang ng 132,483 guro, 97,685 silid-aralan at 153,709 pasilidad sa tubig at sanitasyon ang mga pampublikong paaralang elementarya at hayskul sa Pilipinas.

Samantala, may problema rin ang Kto12 curriculum na ipapatupad ngayong School Year 2012-2013.

Una, minadali ang paggawa sa curriculum na ito (ngayong summer lang ng 2012 ito ginawa).

Mas malala ang problema sa hayskul dahil noong 2010 ay may inilabas nang curriculum ang DepEd.

Kumbaga, mainit-init pa ang 2010 curriculum ay may bago na naman ngayon kaya laganap ang pagkalito ng mga guro at maging ng mga administrador.

Sa katunayan, di pa tapos ang implementasyon ng 2010 curriculum sa hayskul (ang curriculum na itoy tinatawag na 2010 Secondary Education Curriculum o 2010 SEC).

Dayalekto Ng Boung Pilinas